Azərbaycanda 3,5 milyona yeni film çəkilir
Azərbaycan Respublikasının Kino Agentliyi "Rakurs Film-Media” MMC (VÖEN – 1308369461) ilə satınalma müqaviləsi imzalayıb.
Müqavilə tender müsabiqəsi keçirilmədən, bir mənbədən satınalma metodu əsasında bağlanıb.
Qeyd edək ki, "Rakurs Film-Media” MMC Kino Agentliyinin sifarişi əsasında "Rəqqə” adlı tammetrajlı bədii filmin istehsalını həyata keçirəcək.
Göstəriləcək işlərin qarşılığında Agentlik MMC-yə 3 milyon 500 min manat ödəyəcək.
Onu da bildirək ki, nizamnamə kapitalı 100 manat olan "Rakurs Film-Media” MMC 2023-cü ildə dövlət qeydiyyatına alınıb. MMC-nin qanuni təmsilçisi Əhmədov Fariz Asif oğludur.
Məlumat üçün qeyd edək ki, 1983-cü il təvəllüdlü Fariz Əhmədov 2020-ci ildən 2022-ci ilədək "Azərbaycanfilm” kinostudiyasının direktoru olub.
Goldmedia.az xatırladır ki, məlumatı Yeniavaz.com yayıb
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
