Qarabağa köçməkdən imtina edən "QARABAĞ LAGERİ" və Emin Ağalarovdan pul qoparmaq arzusu - FOTO

Qarabağa köçməkdən imtina edən "QARABAĞ LAGERİ" və Emin Ağalarovdan pul qoparmaq arzusu

Sabunçu rayonu Pirşağı qəsəbəsində "Qarabağ Lageri" adlı pansionat mövcuddur ki, bu pansionatda yaşayanların yarıdan çoxunun məcburi köçkünlüyə, bəzilərinin isə hətta Qarabağa belə aidiyyatı yoxdur. Çünki, burada müxtəlif rayon sakinləri özləri üçün kommunal ödənişlərdən və digər rüsumlardan "Azad İqtisadi" və ya "Boz Zona" tapıblar.

Bütün bu özbaşınalıqlara baxmayaraq heç bir dövlət orqanı, xüsusilə də "Qaçqınkom" burada istifadə olunan elektrik enerjisinin, suyun və hətta bir çoxları tərəfindən zəbt olunaraq qəsd edilmiş çoxillik ağacların aqibəti ilə maraqlanmır. Bu bir neçə hektarlıq ərazidə baş verən özbaşınalıqlara heç kəs tərəfindən nəzarət olunmur. Belə ki, Bakıda "Ramanı", "Qobupark yaşayış kompleksi", Goranboy rayonunda "Ağcakənd qəsəbəsi", Xankəndi, Xocalı və digər rayonlara köçürülən ailələrin böyük əksəriyyəti lagerdə yaşamış olduqları otaqları ya kirayə verirlər, ya başqalarına satırlar, yaxud da təkrar geriyə qayıdıb dövlətin verdiyi güzəştləri "sui" istismar etməklə həm dövlət malına qəsd edirlər, həm də orada yaşamaq məcburiyyətində qalan ailələrə əlavə problemlər yaradırlar.

Bu vaxtadək oradan köçürülən ailələrin otaqları "Qaçqnkom" tərəfindən "Möhürlənmiş" olsaydı orada yaşayamağa məcbur olan ailələrə hazırda dünyada ən qiymətli nemət olan və getdikcə dəyəri daha da artan su paylanılması prosesi daha asan olardı. Bir neçə yerdə eyni vaxtda elektrik enerjisi istehlak edilməsilə dövlət büdcəsinə vurulan zərər azalardı. Hətta, bir çox ailələr var ki, özlərinin Bakı şəhərində dəbdəbəli evləri var və dövlət tərəfindən onlara mənzil verilməsinə maddi olaraq ehtiyacları yoxdur. Buradan köçürülüb geri qayıdanlarn və özlərinin evləri olduğu halda köçməyib burada qalmaqla dövlətin kommunal güzəştlərini istismar edənlərin birdən artıq məqsədləri var. Belə ki, əsas xülya ondan ibarətdir ki, meqa "Sea Breeze" layihəsi bu ərazini alaraq insanlara köçmək üçün ödəniş edəcək və bunlar da Emin Ağalarovdan pul qoparmış olacaqlar. Digər məqsəd isə əvvəl axır dövlət hamını harasa köçürənə qədər hər otaq başına 150-200 manat olmaqla "kirayədən" qazanc, ödənişsiz komunallardan istifadə etməklə dövlətdən maksimum nəsə qoparmaq və bu kimi istismarçı məqsədlərdən faydalanmaq...

Digər tərəfdən isə sözügedən ərazinin böyük hissəsində mövcud olan yaşıllıqlar bu cür vətəndaşlar tərəfindən dəmir hasarlarla zəbt olunaraq, ağaclar məftillərlə boğularaq mənimsənilmişdir.

Ekologiya və təbii sərvətlər nazirliyi parklarda onsuz da dövlət qurumlarının nəzarətində olan ağaclara "Kolxoz inəklərinin birkalarını" yapışdırığı halda belə yerlərdə yaşıllıqlara divan tutulmasına mane olmaq üçün heç bir tədbir görmür.

Digər əzəmətli dövlət orqanı Əmlak komitəsi və müvafiq rayon icra hakimiyyəti isə "Lager" daxilində hasarlanaraq mənimsənilmiş ərazilərdən nə vergi tələb edir, nə hasarların sökülməsi üçün hər hansı tədbir görür.

Hansısa vəzifəli şəxslərin dövlət əmlakını talaması ilə bağlı mütəmadi olaraq tədbirlər görülməsinə baxmayaraq, bu cür özbaşınalıqların kütləvi şəkildə mövcud olduğu konkret ünvanda özbaşınalığın sonlandırılması ilə bağlı heç bir tədbir görülmür...

Tez-tez işlədilən belə bir ifadə var: "Hər kəsin hüquq və azadlıqları digər şəxslərin hüquq və azadlıqlarının sərhədinə qədərdir..."

Ən azından "Qaçqnkom" tərəfindən köçürülən ailələrin çıxarıldığı otaqlar və ya mənzillər möhürlənərək girişin məhdudlaşdırılması və nəzarətin gücləndirilməsi bu istiqamətdə başlanğıc olaraq effektiv nəticə olar.

Goldmedia.az saytının heyətinin araşdırmas nəticəsində aşgar olunan nöqsanlar.