Goranboy sakini 8 ildir məşğulluq idarəsindən şikayətçidir: “Məni süründürürlər” (VİDEO)

Goranboy sakini 8 ildir məşğulluq idarəsindən şikayətçidir

​Goranboy rayonu, Təhlə kənd sakini Əliyev Emin Tahir oğlu uzun illərdir qarşılaşdığı haqsızlıqla bağlı media qurupumuza müraciət edib.

Vətəndaş bildirir ki, Goranboy rayon Məşğulluq İdarəsi artıq 8 ildir ki, onun işini həll etmir və onu qapılarda "süründürür".

​Emin Əliyevin iddiasına görə, bu problemin arxasında şəxsi maraqlar və qohumluq əlaqələri dayanır. O, aidiyyatı şəxslərin — "qudaların" birləşərək onun müraciətlərinə süni maneələr yaratdığını vurğulayır.

​Uzun müddətdir aidiyyatı qurumlardan nəticə ala bilməyən kənd sakini, səsini rəsmi instansiyalara və ictimaiyyətə çatdırmaq məqsədilə Goldmedia.az qrupuna müraciət edərək probleminin ictimailəşdirilməsini xahiş edib.

Vətəndaş aidiyyatı dövlət qurumlarından məsələyə müdaxilə etməsini və 8 illik problemin qanun çərçivəsində araşdırılmasını tələb edir.