Azərbaycanda neçə "Tesla" var? - Rəsmi statistika
Azərbaycanda istifadədə olan "Tesla" markalı avtomobillərin sayı açıqlanıb.
Goldmedia.az-ın məlumatına görə, Modern.az-ın Dövlət Statistika Komitəsinə sorğusuna cavab olaraq bildirilib ki, 2026-cı il yanvarın 1-nə ölkədə 1 144 "Tesla" markalı minik avtomobili qeydiyyatdadır.
Qeyd edək ki, həmin tarixə Azərbaycanda ümumilikdə 1 milyon 676 min 80 minik avtomobili qeydiyyatda olub. Beləliklə, "Tesla" markalı avtomobillər ölkənin ümumi minik avtomobili parkının təxminən 0,07 faizini təşkil edir.
"Tesla" 2003-cü ildə ABŞ-də yaradılıb və hazırda dünyanın ən tanınmış elektromobil istehsalçılarından biridir. Şirkət xüsusilə "Model Y" və "Model 3" avtomobilləri ilə tanınır. Bu modellər son illərdə dünyanın ən çox satılan elektrik avtomobilləri arasında yer alıb.
Goldmedia.az
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
